15-20 декабрьыште Угарман кундемысе Городецкий районышто йочапӧрт да школ-интернат-влак коклаште мини-футбол дене Российысе фестиваль лийын.
Тушко Медведево районысо тулык да ача-ава деч посна кодшо йоча-влаклан Лӱлпан рӱдер гыч рвезе-влакын командышт миен коштын. Индеш команде гыч нуно 5-ше верышке лектыныт. Артём Габдракиповым эн сай модшылан, Матвей Лошмановым эн сайын ваштареш шогышылан шотлымо.