15-20 мартыште Саранскыште начар тазалыкан спортсмен-влак коклаште мини-футбол дене Российын чемпионатше да первенствыже лийын.
Марий Элын чапшым республикысе паралимпийский резервысе спортивно-адаптивный школын воспитанникше-шамыч араленыт. Спортсмен-влак кок кумшо вер дене палемдалтыныт.
Никита Гаврильченко ден Николай Богатыревым Российысе сборный командыш пуртеныт. Российысе первенствыште эн сай вратарь семын Владислав Стрельников ойыртемалтын.
Марий Элысе спорт министерствын тӱшкаж гыч налме.