17-18 августышто Курыкмарий район Микрӓк селаште самырык-влаклан «Акпарс» форум эртаралтын. Тудо Курыкмарий районысо ял шотан илем гыч 60 участникым чумырен.
Кок кечыште ӱдыр-рвезе-шамыч тӱрлӧ проектым возеныт, предприниматель да ялозанлыкым вуйлатыше-шамыч дене вашлийыныт, мастер-классыш коштыныт. Республикысе Правительстве Председательын икымше алмаштышыже Михаил Васютин самырык тукым дене вашлийын, молодёжный политике шотышто мутланен.