Йошкар-Олаште Кӱкшӧ технологий-влак чемпионатын регионысо этапше мучашлалтын.
«Диагностика и ремонт электронных узлов промышленного оборудования» компетенций дене таҥасымаш-влакым Марий радиомеханический техникумышто эртареныт. Ончыл верыш ты техникумынак студентше-влак лектыныт: икымше – Михаил Средин, кокымшо – Роман Зверев, кумшо – Иван Кузнецов. Полупроводниковый прибор-влак завод ден Технотех предприятий нунылан шкешт дене стажировкым эрташ йӧным ыштеныт.
Ты этапыште сеҥыше тений сентябрьыште Великий Новгород олаште эртаралтше Чемпионатын финалыштыже Марий Элын чапшым арала, палдара республикысе Образований да науко министерстве.
Образований да науко министерствын ВК-се тӱшкаж гыч налме фото.