14 ноябрьыште Йошкар-Оласе «Башня» тӱвыра выставке рӱдерыште Валера ден Наташа Черкашинмытын «Любовь и эпохи перемен» ончерышт почылтын.
Валера ден Наташа 1983 ий годсек арт-дуэт дене пашам ыштат. Нуно тачысе кечылан келыштаралтше тӱрлӧ мультимедийный сӱретым шочыктат. Тыгодым пашаштышт эртыше пагытын тӱрлӧ шӧрынжым ончыкта. Нунын сӱретышт Российысе тӱрлӧ Кугыжаныш тоштер ден галерейлаште аралалтыт.