«МЭТР» телерадиокомпаний – «Гордость нации – 2025» российысе премийын лауреатше-влак коклаште
Теҥгече, 10 ноябрьыште, Москошто «Гордость нации» VI российысе мер премийын лауреатше-влакым пайремлын саламленыт.
«Марий Эл Телерадио» компанийын коллективше «За вклад в информационное сопровождение государственной национальной политики» номинацийыште 2-шо степенян лауреат лӱм дене палемдалтын. Тиде российысе калык-влакын тӱвыра поянлыкыштым, шочмо йылмыштым да йӱлаштым шке профессионал пашашт гоч арален кодымаште да вияҥдымаште пӱтынь командын суапшым ончыкта.
Российысе калык-влак ассамблейын фотожо.