12-13 февральыште Мер Каҥашын еҥже-влак Санкт-Петербургышто лийыныт да икмыняр мероприятийыш ушненыт.
Икымше кечын Ленинград областьысе Келшымаш пӧртыштӧ «Молодёжьым патриотизм шӱлышеш куштымаште кызытсе жаплан келшыше у йӧн-влак» «йыргешке ӱстел» эртаралтын. Тиде темым тыглай гына ойырымо огыл. Тысе марий-влакын «Ший корно» национально-культурный автономийже Ленинградысе блокаде годым элнам аралыше салтак-землякна-влакым шарныме лӱмеш кычалме да шымлыме пашам шукта.
Кокымшо кечын мемнан делегацийна Ленинградым аралымаште марий да моло калыкын надырыштлан пӧлеклалтше мероприятийыште лийын.
Фотом «Ший корно» НКА-н сайтше гыч налме.