Килемар район Йӱксӓр селаште 2015 ийыште Кугу Отечественный сарыште лийше 210 еҥын лӱмыштым гранит плиташте возеныт ыле.
Тений ПГТУ-н студенткыже Анастасия Толстова ден верысе школым вуйлатышын алмаштышыже Л.Янцукова Россий конкурсышто «Никто не забыт, ничто не забыто» проект дене 300000 теҥгем налыныт. Тыге ешартыш 207 лӱмым плиташ возеныт. Кумшо ноябрьыште шкешотан митингым эртареныт, сареш колышо-влакым шарналтеныт.