Орёл олаште эртаралтше Всероссийский Кеҥеж гимназиадыште Марий Элын командыже 21 медальым сеҥен налын. Регионысо школ, техникум да колледжла гыч 16 самырык спортсмен республикым «Молодёжь и дети» нацпроект почеш организоватлыме Всероссийский Кеҥеж гимназиадыште чаплын ончыктен.
Марий Эл командын чумыр зачётыштыжо: иймаш, спорт гимнастике, куштылго атлетике да дзюдо дене 21 медаль – 8 шӧртньӧ ,5 ший да 8 той.
Чемпион-влакым да нунын тренерыштым саламлена да нунылан умбакыже сеҥымашым тыланена!
Республикысе образований да науко министерствын фотожо.