Марий Элыште тыршыше ныл тӱжем утла медпашаеҥ соцфонд деч лӱмын келыштарыме выплатым налеш.
Тидлан Российысе соцфондын Марий Элысе пӧлкаже 94 миллион теҥгем ойырен. Выплатым тазалык аралтыш икымше звенон медикше-влак, райрӱдӧ, районласе да участковый эмлымвер-влакын, вашкеполыш станцийын 4456 пашаеҥжылан тӱлат. Тудын кугытшо должность, медицине организаций да кушто тудын верланымыж деч шога. Тидым шотыш налын, ик тылзыште 4,5 гыч 50 тӱжем теҥге марте тӱлалтеш.
Фото: freepik сайт гыч налме.