Ты кечылаште МарГУ Пенза оласе Сердечно-сосудистый хирургийын федеральный рӱдерже дене ойпидышым подписатлен.
Тудын почеш вузышто ординатурышто «Сердечно-сосудистая хирургия» у программе лиеш. Варарак «Нейрохирургия» ординатурым ышташ шонат.
Вес ийын МарГУ-со Медицине институт 10 ияш лӱмгечыжым палемда. Тудо вузын ик эн писын вияҥше подразделенийжылан шотлалтеш. Институтышто 200 утла студент шинчымашым пога. Нуно шке мастарлыкыштым Российыштат аралат.