Марий Элым Вуйлатыше Ю.Зайцев РФ тазалыкым аралыме министр М.Мурашко дене вашлийын мутланен.
Ю.Зайцев «Здравоохранений» нацпроект шукталтме нерген каласкален, медицинысе предприятий-влаклан кӱлешан арвер шотышто разработко-влак дене палдарен.
2023 ийыште, ойлен Ю.Зайцев, нацпроект почеш 594,6 млн теҥгем ойырымо, тышеч 70 процентшым кучылтмо. Тыгак палемден: Марий Элыште ятыр направлений дене сай динамике палдырна.Колышо-влак шагалемыныт, еҥ-влакын ӱмырышт кужемын. Поликлинике ден эмлымверлаште оборудований ешаралтын, пациент-влаклан йӧнан условий ышталтеш.
Тыгак нуно специалист-влакым ямдылыме, врач-влакым, медлицине персоналым кумылаҥдыме йодышымат тарватеныт.