Марий Элым Вуйлатыше Ю.Зайцев лётчик, отставкысе подполковник, Россий Федерацийын Геройжо Владимир Шарпатов дене вашлийын.
В.Шарпатов 1996 ийыште Кандагарысе плен гыч Ил-76 экипажым геройлын луктын. Подвигышт нерген «Кандагар» фильмым войзымо.
Марий Элым Вуйлатыше землякна нерген ондакат колын, палыме лиймылан куанен. Шарпатов тудлан почеламут сборникшым да Кандагар гыч утлен кертмылан 25 ий темме лӱмеш лукмо «За волю к жизни» медальым пӧлеклен.
Владимир Ильич Тюменьыште илыше марий-влак дене чӱчкыдынак вашлиеш, мероприятийлашкышт коштеш.
Фотошто: марий-влак В.Шарпатов деке унала мийымышт годым.
