24-28 ноябрьыште Санкт-Петербургышто профессионал мастарлык шотышто «Профессионалы» чемпионатын финалже эртаралтын.
Тудо паша профессийын кӱлешлыкшым, престижшым нӧлталаш манын ышталтеш. Тушко 680 утла участник ушна. Нунын кокла гыч 69 еҥ палыме предприятий, 40 утла еҥ вес эл гыч улыт. Таҥасымашлашке тӱҥ шотышто 35 эн кӱлешан компетенцийым пуртымо, юниор-влаклан – 20 компетенцийым.
Регион-влак кокласе йыжыҥыште Марий Эл гыч финалыш Йошкар-Оласе технологический колледжын студентше Е.Винокуров («Сетевое и системное администрирование» компетенций) да Марий радиомеханический техникумын студентше В.Земсков («Промышленная механика и монтаж» компетенций ) лектыныт.
Питерыш Марий Эл гыч кандаш еҥан делегаций каен. Тушто икте-весе деч опытым погаш вашла тунемаш сай йӧн уло.