Тений кандаш тылзыште (январь-август) 300 тӱжем наре пассажир Йошкар-Ола гыч Москош поезд дене кудалын, возат шке тг-каналыштышт Горьковский кӱртьныгорно станцийын пашаеҥышт.
Ӱмашсе тыгаяк жап дене таҥастарымаште, тений 9 процентлан шукырак пассажир-влак Москош миен шуаш поездым ойыреныт. Палемдыман, Марий Эл-Москва поездын составыштыже кок пачашан вагон-влакат улыт. Тыгак купе, малаш да шинчаш каяш вагоным келыштареныт.