Суд пристав-влакын Йошкар-Оласе 1-ше №-ан пӧлкаштыже ик пӧръеҥ шотышто исполнительный производство лийын.
Кредитым пуышо организаций-влаклан тудын 185 тӱжем теҥге парымже уло улмаш. Пристав-влак илыме адрес почеш ятыр гана миен коштыныт, повесткымат коденыт, но пӧръеҥ оксам тӱлен огыл. Пристав-влакын ты гана «унала» мийымышт годым парыман еҥын Lada XRАY машинажым ужыныт да эвакуатор дене наҥгаеныт.
Тыге пӧръеҥ парымым арня жапыште петырен.