8-10 мартыште Моско областьысе Раменское олаште начарын ужшо да сокыр-влак коклаште Российын первенствыже эртаралтын. Тушко элнан 14 регионжо гыч 80 спортсмен ушнен.
Таҥасымаште Марий Элысе паралимпийский резервысе спортивно-адаптивный школын тунемшыже Марсель Салий кундемнан чапшым арален. Тудо 60 килограмм нелытан-влак коклаште кумшо верым налын. Рвезе Д.А.Лебедев дене тренироватлалтеш.
Начарын ужшо да сокыр-влак коклаште дзюдо спортым вияҥдыме верч элнан коло утла кундемыштыже тыршат.
Марий Элысе Спорт да туризм министерствын сайтше гыч налме фото.