115 ий ожно, 6 апрельыште, «Марла календарьын» икымше номерже лектын.
1907 ий 6 апрельыште икымше «Марла календарь» лектын. Тиде марий йылме дене лекше икымше периодический изданий лийын. Тудым идалыклан ик гана савыктыме. Эше 1906 ийлан «Марла календарьым» В.М.Васильев ден П.П.Глезденëв ямдыленыт улмаш. Рушла журналла гыч тÿрлö материалым марлаҥденыт, шкеат возеныт, шуко калык ойым, мурым пуртеныт. Но календарьым лукташ оксашт ситен огыл. Варажым 1906 ийысе «Марла календарьым» уэмденыт, весым ямдыленыт. Оксам ситышын муыныт: руш купеч З.М.Таланцев (кочаже Чарла гыч улмаш) кугун полшен, ешартыш оксам Пагул ача (П.П.Глезденев) пуэн.
Эльвира Терентьева.