5 мартыште Ленинград областьысе Келшымаш пӧртыштӧ национальный ушем-влак шке калыкын ӱдырамаш вургемыштым дефилеште ончыктеныт.
Сценыш руш землячествын, коми общинын, тыгак пошкырт, белорус, корей ушем-влакын еҥышт лектыныт. А.Беляева ден Е.Таникова курыкмарий вургемым ончыктеныт, И.Максимова – эрвелмарийыным, Л.Арламова ден Р.Саметова – кызытсе марий вургемым.
Ты кечынак Келшымаш пӧртыштӧ «Этновзгляд» ончер почылтын. Туштат тӱрлӧкостюмым ужаш лиеш.