ТАЧЕ, 1 майыште, «Звезда» телеканалым ончаш ида мондо!
Медведево район Шоядӱрыштӧ илыше да «Марий сувенир» кевытын озаже Николай Мамаевым 1 майыште 10 шагатат 15 минутлан «Звезда» телеканал дене ончыза. «Круиз Контроль» передачым вӱдышӧ Юлия Розенберг икмыняр кече ончыч Йошкар-Олаш да Чебоксарыш толын каен. Рӱдолаштына мотор архитектурым ончен коштмо деч вара передачым войзаш уна-влак марий пӧръеҥ деке кудалыныт. Тушто Н.Мамаев монча коҥгаш олтымо, лӧкамбал деч ончыч могай йӱышым йӱаш келшыме нерген каласкален, Юлиялан мӱй дене массажым ыштен.
Марий сувенир деч посна ты амалкалчын «Марий кино» фирмыже уло. Н.Мамаев марий фильм-влакым сниматлаш полша.
Снимкыште: марий кинофильмым каҥашыме годым О.Иркабаев, Г.Гордеев да Н.Мамаев. 