Ханты-Мансий автономный округ-Югран индеш районжо гыч визытыштыже «Марий ушем» мер организаций-влакым чумырымо. Тушто илыше марий-влак Россий кечым палемдымышт нерген увертарат. Редакцийышкына тиде кечын лийше мероприятий гыч ятыр фотокартычкым колтеныт.
12 июньышто Сургут район Фёдоровский посёлкысо «Марий ушем» мер организацийын еҥже-влак тӱрлӧ калык коклаште «Парад единства» таҥошкылмашыш ушненыт. Фёдоровский ола шотан поселенийым вуйлатыше Н.У.Рудышкин марий вургеман Захаровмыт ешлан тауштымашым кучыктен.
Фёдоровский посёлкышто администраций пелен индеш тӱрлӧ калыкын национально-культурный обществыже уло. Ола шотан поселенийым вуйлатыше Николай Ульянович Рудышкин активист-влакым саламлен. Марий-влак кокла гыч Юрий Иванович Таныгинлан ден Наталья Владимировна Васильевалан чапкагазым, а Ольга Александровна Николаевалан таумутым кучыктен.
