Йошкар-Оласе историй да археологий тоштерыште «Этноархеология: от Imniscaris до Мари» выставке почылтын.
Тудо марий калыклан пӧлеклалтын. Марий калык кушеч лектын? Могай тудо лийын, молан ӱшанен? Мо дене илен? Тӱрлӧ жапыште путешественник-влак тудын нерген мом ойленыт? Ончаш толшо-влак кокла курымласе ӧрыктарыше сӧрастарыме ӱзгарым веле огыл, VI гыч XIX курым мучаш марте жапысе марий ӱдырамаш-влакын вургем реконструкцийыштым ужын кертыт. Автор-влак интерактивный площадкым ямдыленыт. Могайжым, миеда да ужыда.
Фото — тоштерын сайтше гыч.