Марий Элым Вуйлатыше Ю.Зайцев Марий Турек районыш паша дене миен коштын.
Тат-Китне ялыште у ФАП-ым почмаште лийын. Ты ФАП-ыш тыгак Якын почиҥга, Марий Шолкер, Тат-Шолкер, Елка, Катыршан почиҥга яллаште илыше 700 наре еҥ кошташ тӱҥалеш. ФАП-ым «Здравоохранение» нацпроектын «Модернизация первичного звена здравоохранения» регионысо проектше почеш чоҥымо. Ты пашалан 12,8 млн теҥге каен, 1,1 млн теҥгелан медоборудований ден мебельым налме.
Марий Турек кыдалаш школышто Россий Герой Сергей Иштугановлан чап оҥам вераҥденыт. Мероприятийыште Марий Элым Вуйлатыше Ю.Зайцеват лийын.
Кызыт подполковник С.Иштуганов Россий Армий радамыште службым эрта. Ӱмаште декабрьыште РФ Президент В.Путин Кугу Кремль полатын Георгиевский залыштыже тудлан шке порысшым сайын шуктымыжлан да геройлыкым ончыктымыжлан Геройын шӱдыржым кучыктен.
Д.Речкинын фотожо-влак.