Марий радиомеханический техникумын проектше «Лидер СПО – 25» ХХ Всероссийский мер-профессионал премийым сеҥен. Техникумын командыже «Студенческое научное общество» практике дене икымше верыш лекын.
Ты премий кадрым ямдылыме шотышто эн сай практик манын пален налме, кыдалаш профессионал образованийым вияҥдыме да ты системыште педагог да моло пашаеҥ-влаклан квалификацийыштым нӧлташ полша.
Тений конкурсыш Российын 57 регионжо гыч 268 проект пурен. Марий радиомеханический техникумын проектше студент да преподаватель-влакын научный потенциалыштлан пӧлеклалтын. Тидлан техникумышто ныл студийым лӱмын ямдылыме («Исследовательский», «Интеллектуальный», Технический», «Проектный»).
Марий Элысе Образований да науко министерствын сайтше гыч налме фото.