Марий тӱвыра кече

26 майыште Чуваший Республикысе Калык-влакын келшымаш пӧртыштышт Марий тӱвыра кече эртаралтеш.

Тушто марий вургем ден кидпаша ончерым, Марий Элысе да Чувашийысе фольклор коллектив-влакын выступленийыштым ужаш, марий кӱсле дене сылнысемым колышташ лиеш. Чувашийыште марий калыкын землячествыжым вуйлатыше А.Гурьяновын мутшо почеш, тышке толшо калыклан олыкмарий, эрвелмарий да курыкмарий-влак нерген каласкалат, нуным ойыртемышт да шочмо тӱвырам кузе арален кодымышт дене палдарат.