15 октябрьыште Я.Эшпай лӱмеш Марий кугыжаныш филармонийыште «Марий шыже» сымыктыш фестиваль почылтеш.
Тудо Юл кундем федерал округысо кумдан палыме эстраде артист ден калык коллектив-влакым чумыра. Тений Коми Республикысе мурышо да куштышо кугыжаныш «Асъя Кыа» ансамбль «Север – песня, север – танец» концерт программе дене куандара. Программыште коми калыкын мурымашыж ден куштымашыже кумдан ончыкталтыт.
19-20 октябрьыште «Лёд тронулся, господа!» музыкальный программым, 21 октябрьыште «Это мы – твой народ, Россия!» концертым ончаш лиеш. Виртуозный семӱзгарым йӧратыше-влаклан посна программым ямдылыме. Фестиваль 4 ноябрьыште кугу концерт программе дене мучашлалтеш.