«Марий шовыр» этнофорум 25 ноябрьыште 14
шагатлан Марий самырык театрыште тӱҥалеш.
Программыште – шовыр ден мыжер выставке, шовырлан келшыше тӱрлӧ сӧрастарышым ямдылыме мастер-класс, шовыр дене кылдалтше йӱлам ончыктымаш, костюмым шымлыше марий шанчызе-влакын выступленийышт да тулеч молат.
Форумыш ушнаш йодмашым колтыман. Тушто фамилийым, лӱмым, ачалӱмым возыман. Тыгак могай студий, клуб гыч але тыглай кидмастар улмыдам палемдыман. Телефон номерым, электрон почто адресым, илыме верым да номинацийым сералтыза.
Номинаций-влак: шовыр выставке, шовырым ямдылыме шотышто мастер-класс, калык костюмым чийыме йӱлам аралыме шотышто презентаций, шовыр дене кылдалтше йӱлам ончыктымаш (каласкалымаш).