«Марий шонанпыл»

Озаҥ оласе марий-влакын автономийышт йоча-влаклан «Марий шонанпыл» («Марийская радуга») республикысе онлайн-конкурсым увертара. Тушко Татарстан Республикыште илыше 6-18 ияш марий ӱдыр-рвезе-влак ушнен кертыт.

Мероприятий ныл виктыш дене эрта: семӱзгарым шоктымаш, вокальный номер, хор дене мурымаш, хореографий да художественный мут.

Шке мастарлыкдам видеош войзен, 31 октябрь марте mariradugafest@mail.ru электрон почтыш колтыман.

Эн сай паша-влакын авторыштым декабрьыште Озаҥыш «Марийская радуга» фестивальыш ӱжыт.