Курыкмарий районысо Виловат селаште «Марий сарзе-влакын тистышт» акций тӱҥалтышым налын. Тудым Украиныште специальный военный операцийыште улшо землякна-влаклан полшаш манын эртараш палемдыме. Акцийым Марий Элым Вуйлатыше Ю.Зайцеват сайлан шотлен.
Курыкмарий район администрацийым вуйлатыше Н.Арганякован палемдымыж почеш, Тистын макетшым активист-влак ямдыленыт, да СВО-што улшо землякна-влакын шонымашышт дене келыштареныт.
Ты кечын Тистым Виловат селаште илыше, СВО-н участникшын ватыже, гуманитарный полышым погымашке чолган ушнышо Н.Гараниналан кучыктеныт. 10 июль марте Тисте Виловатысе рӱдӧ модельный тӱвыра пӧртыштӧ лиеш.
17 арня жапыште Тисте Марий Элысе чыла районыш да олаш миен шуэш, а 4 ноябрьыште «Ачамландым аралыше-влак» кугыжаныш фондын Марий Элысе филиалышкыже аралаш пуат.
Виловат селаште торжественный мероприятий годым тӱрлӧ площадке пашам ыштен. Тушто кумылан кажне еҥ маскировочный сетьым пудын але СВО-н участникшылан «Сеҥымаш почто» гоч серышым возен кертын.
Тылеч посна Курыкмарий район админстрацийым вуйлатышын таумутшо дене Российысе у регионлаште илыше да СВО-што улшо-влаклан гуманитар полышым погаш полшышо, тыгак маскировочный сетьым пидше-влакым палемденыт.
Курыкмарий район админстрацийын уверже почеш ямдылыме.