Марий самырык театр – Чебоксарыште

16-22 ноябрьыште Чебоксар олаште М.Сеспель лӱмеш самырык-влакын театрыште регион-влак кокласе «Волжская сказка» фестиваль эртаралтын.

Чылаже тушко куд театр ушнен. Нунын кокла гыч иктыже – Йошкар-Оласе марий самырык театр. Марий Эл гыч артист-влак «Сӧсна поминка деч вара» спектакльым ончыктеныт.

Тыгак фестиваль жапыште тӱрлӧ семинар, лекций, мастер-класс-влак лийыт.

2020 ий гыч тиде фестиваль режиссёр Иосиф Дмитриев лӱмеш маналтеш.

Тушеч  артист-влак вич диплом дене пӧртылыныт. «Жюрин спецпризже» номинацийыште палемдалтыныт:

Портновын рольжылан – Александр Кожевников; Лаврентий Петрович Горюхинын рольжылан – Игорь Актуганов; Полиций начальникын рольжылан – Валерий Григорьев; Вицемерын рольжылан – Артём Куклин.

«ЭН САЙ ЭПИЗОДИЧЕСКИЙ РОЛЬ» номинацийыште Зинаида ДОЛГОВА ойыртемалтын!