Эртыше каныш кечылаште Санкт-Петербургышто «Пушкин-Петербург» марафон эртаралтын. Тыгодымак атлет-влак Российын Кубокшо верч марафонышто таҥасеныт. Нуно 42,2, 30, 10, 5 меҥгым куржмаште вийыштым тергеныт.
Марий Элым чапшым ты куржталмаште Алексей Ахтямов арален. Марий рвезе 2:27:39 результат дене финишыш кудымшо толын. 1923 ий годсек эртаралтше «Пушкин-Петербург» марафон тений Кугу Ачамланде сарыште Сеҥымашлан 80 ий теммылан пӧлеклалтын. Спортсмен-влаклан 42,2 ; 30 ; 10 да 5 меҥге дистанцийым ямдылыме улмаш.
Республикысе куштылго атлетике федерацийын тӱшкаж гыч налме фото.