Марий талешке кече вашеш Марий Элыште «Марий патыр» конкурсым увертарыме. Тышке 17-35 ияш рвезе ден пӧръеҥ-влак ушнен кертыт. Участник-влаклан «Мый марий рвезе улам» визиткым ямдылыман, тукым гыч тукымыш куснышо еш йӱлам ончыктыман, марий калыкын йӱлаже дене палдарыман (7 минут марте). Тыгак нунын мастарлыкыштым, этнографий шинчымашыштым конкурс годым «Вий, проворлык да арвий» таҥасымаште тергат.
Йодмашым 19 апрель марте mari-centr_konkurs@mail.ru электрон почто дене колтыман. Тылеч посна Марий патыр-влак интернет-йӱклымаште таҥасаш тӱҥалыт. Сандене конкурсант-влак калык вургемым чийыман кум фотом колтышаш улыт. Эн шуко йӱкым погышо рвезе-влакым «Зритель-влаклан келшыме приз» номинацийыште пӧлек вуча.
«Марий патыр» конкурс 26 апрельыште Йошкар-Оласе Тӱвыра да каныме рӱдӧ паркыште эртаралтеш. 16 шагатлан тӱҥалеш.