Марий Элысе Т.Евсеев лӱмеш Калыкле тоштерын пашаеҥже-влак тунемше, студент-шамычым Марий кундемысе героический эпос, патыр-влак дене умбакыжат палдарат.
«Создаю себе героя» программе почеш Онар, Акпарс, Чумбылат, Акпатыр, Ирга да моло герой нерген каласкалыме ойлымаш дене палымым ыштат. Тышке ушнышо-влак, историй да археологий факт-влаклан эҥертен, марий персонаж-шамычын кушеч лекмыштым пален налыт. Тоштерын пашаеҥже-влак дене пырля кокла курымысо артефакт значокым ыштат.