«Марий памаш» калык фольклор да этнографий ансамбль любительский усталык коллектив-влаклан эртаралтше Российысе фестивальыште сеҥышыш лектын.
Таҥасымаште 263 участник кокла гыч эн сай 20 коллективым ойырен налыныт. Сеҥыше-влаклан пӧлек шотеш 2 млн теҥгем пуат. Тыгак нуно тений декабрьыште Моско олаште гала-концертыште мастарлыкыштым ончыктат.
Марий калыкын тӱвыражым, йӱлажым чапландарыше уста коллективым сеҥымашыж дене саламлена!