4 июньышто Киров кундемысе Пижан район Марий Ошай ялыште Виче марий-влак Пеледыш пайремым эртареныт.
Тушко Кикнур, Пижан, Вӱрзым, Яраҥ районла да Марий Эл гычат погынен миеныт. Делегаций-влак, урем мучко ошкылын, пайрем верыш каеныт. Ансамбль-влак 45 номерым ончыктеныт. Йоча-влакын куштышо ныл коллективышт выступатлен. Нунылан аттракцион пашам ыштен. Уна-шамыч марий калыкын кудыжым ончыктышо, пеледыш, фото да моло конкурсыш ушненыт, спортын тӱрлӧ видше дене таҥасеныт.
Фотом Алевтина Курочкинан лаштыкше гыч налме.