26 августышто Т.Евсеев лÿмеш калыкле тоштерыште Г.В. Тайгильдинын ончерже почылтын. Лӱмжӧ: «Марий легенде-влакын талешкышт»
Георгий Валерианович Тайгильдин – Марий Элын сулло сӱретчыже, Россий сӱретче-влак ушемын еҥже.
Ончерыш лукмо радыналаште — Марий кундемын историйже дене кылдылтше тӱҥ событий-влак. Автор марий калыкын, талешке-влакын патыр, лӱддымӧ, икоян улмыштым ончыкта. Выставкым Т.Евсеев лӱмеш калыкле тоштерыште аралыме экспонат-влак дене пойдарыме: марий калыкын саркуралым ончаш лукмо.
Ончерыш 30 сентябрь марте пашам ышта.
