Арслан лӱмым тюрк калык гыч лекше манын палемдат. Марий-влак коклаште кузе тудо шарлен, пале огыл, но ты лӱмым утларакше марий-влак шке шочшыштлан пуат.
Советский район Нӧлпӧр ялеш шочын-кушшо Арслан лӱман ик рвезым палем. Кызыт А.Петров Москошто ешыж дене ила, школышто концертмейстерлан пашам ышта. Тыгак «Раменье» руш калык ансамбльыште тырша. Тудын Айвика лӱман акаже уло. Шке лӱмжӧ Арслан нерген тудо тыгерак каласкалыш:
– Мыланем ачам тыгай лӱмым пуэн. Руш йылмышке ты лӱм орёл, а татар йылмыш лев манын кусаралтеш. Лӱмем дене кылдалтше ик легенде дене палдарынем. Марий-влак коклаште айдемын коҥлайымалне кузе лаке лийме нерген легендым каласкаленыт. Арслан кайык шке ӱмбалныже кайыкым наҥгаен улмаш. Шуко чоҥештымеке, вийже пытен. Кочкаш нимоат лийын огыл, сандене кайык ӱмбалне лийше айдеме коҥлайымалсе шылжым кайыклан пукша. Тыге кайыкын умбакыже чоҥешташ вийже лектеш, а айдемын коҥлайымалныже лаке кодеш.
Арсланын архивше гыч налме фото.