6 июньышто Марий Эл Республикын калык да Российын сулло артистше Василий Домрачевлан 60 ий темеш. Тидын лӱмеш М.Шкетан лӱмеш Марий драмтеатрыште «Рвезылык эртыш – ыш чеверласе» лӱмгече кас эртаралтеш. Тушто артист да режиссёрна тӱрлӧ спектакльыште шуктымо пашажым ончыкта.
У Торъял район Часамласола рвезе чытамсыр койышан кушкын. Тудо ик верыште шинчен ок мошто, усталык шӱлышан улмыжым ятыр вере ончыкта. Василий Валерианович шукырак жапшым М.Шкетан лӱмеш театрыште тыршен, кызыт тыштак режиссёрлан пашам ышта. Тылеч посна 1997-2001 ийлаште Марий самырык театрыште тӱрлӧ рольым модын, а 2001-2002 ийлаште – Г.Константинов лӱмеш Руш академический театрыште.
Мемнан землякна Василий Домрачевын кинофильмлаште модмыжым куанен ончена. Лач тидын нерген артист да режиссёр дене мутланышна.
УМБАКЫЖЕ «КУГАРНЯ» газетын 2 июньысо номерыштыже лудса.