22-24 июль гыч «Марий кеҥеж» уремысе фестиваль шке пашажым умбакыже шуя. Тӱҥ мероприятий-влак Йошкар-Оласе Брюгге набережныйыште, Йошкар-Оласе рӱдӧ каныме паркыште, Республике да Пресвятая Дева Мариян площадьлаштыже, С.Г.Чавайн лӱмеш бульварыште эртаралтыт.
22 июльышто 18 шагатлан Йошкар-Оласе рӱдӧ каныме паркыште «МузеЙОпарК» пайрем касыште «Гармония» бард-влакын ушемыштын автор-влакышт шке возымыштым калыклан ончыктат. Ты кечынак Брюгге набережныйыште «Latido» куштымаш студий деч оҥай кас ым вучыман. С.Г.Чавайн лӱмеш бульварыште саксафон дене шоктышо-влак лийыт.
23-24 июльышто фестиваль 11 шагатлан тӱҥалеш да 22 шагат марте шуйна. Нине кечылаште куштымаш мастер-класс, аквагрим, анимаций, сӱретче-влак деч программе, оркест-влакын шоктымышт да моло концерт лиеш.
