КОК Натальям уло кумылын саламлена. Нуно марий калыкын чапшым МОСКОШТО араленыт да лӱмнам чапландареныт.
Урал марий ӱдырамаш Наталья Ябекова 3 мартыште Москошто Вячеслав Зайцевын 85 ияш лӱмгечыжлан пӧлеклалтше «Тӱнян моторжо» конкурсышто участвоватлен. Тушто «Мисс Интернейшенел» призым сеҥен налын.
Тыгак марий вургем дене тиде моторлык таҥӱчашыште тӱнян тӱрлӧ лукшо гыч мийыше конкурсантке-влак дене пырля Марий кундемысе Волжск ола гыч руш ӱдыр Наталья Бурмистрова лийын. Тудлан марий калыкын кызытсе мотор вургемжым ончыктымыжлан «GRAND PRIX BEST model» номинаций дене дипломым кучыктеныт. Тиде «Эн сай модель» Гран-при манме лиеш.
А 4 мартыште Н.Ябекова В.Зайцевын лӱмгече пайремыштыже лийын, палыме модельер тудлан кок книгажым кучыктен.