«Марийская сказка» – Юл кундем федеральный округысо тӱҥалше кинематографист-влаклан икымше туныктымо практикум. Тыште тунеммылан оксам тӱлыман огыл. Практикумым эртыше еҥлан киноиндустрийын сулло профессионалже-влак дене пырля кӱчык метражан модмо сынан фильмым войзаш йӧн пуалтеш.
Кинолабораторийыште тунемме процесс кок ужаш гыч шога:
– онлайн тунеммаш (Российын кеч-могай кундемыштыже илыше еҥ эртен кертеш);
– Марий Элысе съёмочный площадкыште практике.
Йодмаш-влакым тыгай специальность дене приниматлат: сценарист, режиссёр-постановщик, оператор-постановщик, йӱк режиссёр, продюсер, художник-постановщик, композитор, монтажёр, актёр.
Йодмашым https://shabliyfilm.ru сайтыште кодаш лиеш. Проект Тӱвыра инициативе-влак президент фонд полшымо дене эртаралтеш.