Марий-влак акретле кечышотым але зороастрийский календарьым шекланат.
Тений 20 мартыште йӱд ден кече икнаре шуйнат. Учёный-влак эсогыл тудын жапшымат палемдат: тыгайже 6 шагатат 6 минутлан лиеш. Варажым кече кужемеш, йӱд иземеш.
Тыге Марий У ий 21 мартыште тӱҥалеш. Йӱксӧ идалыкыште вӱд шотышто утыр шекланыман. Тудым утыждене йоктарыман огыл. Йӱксӧ-шамыч (а тиде 1928, 1960, 1992, 2024 ийлаште шочшо-влак) тыныслыкын, ласкалыкын символышт улыт. Ты идалыкыште шочшо-влак материальный поянлыкым огыл, а духовный поянлыкым ончыко шындат. Нуно йырым-йыр улмым огыт ончо, а шке чон кӧргӧ шонымаш дене илат.
Йӱксӧ шке идеалжылан ӱшанле, пеш кугешныше, чаҥга да ондалымаш марте шкем ӱлыкӧ огеш волто. Но утларакшым шке еш пыжашым «чоҥен» ок керт, ӱшанле да чын партнёрым муаш нелырак.
2024 ийыште шкем чолган да чын ончыктеда гын, идалык сай лийшаш. Шулдыр йымак вуйым ида шылте, нелылыкым ӧрдыжеш ида кодо, а тудым эрташ тыршыза.
Йӱксӧ еш пиалым сула, поснак шкет илыше-шамыч пӱрымашыштым вашлийын кертыт.
Ты идалыкыште роскотым тергенак шогыман. Пайдале контрактым подписатлаш йӧн уло. Но тудым илышыш шыҥдараш 2025 ийыште шотлан толеш. Шулдырым мыланна пуэныт, но чоҥештыман шкаланна!