26 январьыште Москошто «Россий» ончер-форумышто «Экспортный потенциал Республики Марий Эл и перспективы сотрудничества со странами Азии» «йыргешке ӱстел» лийын.
Мутланымашке Российысе экспортный рӱдерын, Агроэкспортын специалистышт, Регионласе ялозанлык производитель ассоциацийын еҥышт да молат ушненыт. «Йыргешке ӱстелын» почётан унаже-влак коклаште Монголий Посольствын Российысе торговый представительже господин Хасар, Таиланд Королевствын Российысе Посольствыжын икымше секретарьже госпожа Са-Нгямсин, Улан-Батор олан Москосо представительже Мунхцэцэг, тыгак Российын йотэлысе паша шотышто министерствыжын Йошкар-Оласе представительже Лариса Полушина лийыныт.
Участник-влак «Экспорт продукции АПК» региональный проектым каҥашеныт. 2023 ийыште Марий Элыште пареҥгым да пакчасаскам ончен кушташ 75 млн теҥге кугыжаныш полыш икымше гана пуалтын. Тудын экспортшо 54 млн долларыш шуын. Тидыже 2022 ий деч 160 процентлан шукырак. Агропромышленный сатум 19 элыш колтена, тӱҥ шотышто – ямде кочкыш сатум, шыл ден шӧрым.
Мероприятий годым Марий Элысе специалист-влакын полшымышт дене Монголийыште пакчасаскам ончен куштымо сомылым ворандараш каҥашеныт. Ты шотышто Ялозанлык министерствына, МарГУ дене ойпидышым ышташ палемдыме.
Эльвира Терентьева.