Марий Элыште шкешотан туныктымо проект — «Школы — ассоциированные партнёры «Сириуса» – тӱҥалын, увертареныт Республикысе образований да науко министерствыште.
Регионыштына икымше гана Бауман лицей, Политехнический лицей-интернат, М.В.Ломоносов лӱмеш лицей ден Йошкар-Оласе 28-ше №-ан лицей негызеш «Сириусын» программыж почеш тунемаш тӱҥалше куд классым почмо. Тунемше-влак математикым, физикым, химийым, биологийым да информатикым келгынрак тунемаш, республикысе технологический компаний да промышленный предприятий-влак дене пырля проект да шымлымаш пашам шукташ тӱҥалыт.
Тыгак регионысо вӱдышӧ вуз да предприятий-влак дене кылым кучаш палемдыме, тидыже тунемше-влак ончылно шанче шинчаончалтышым кумдаҥдаш, пырля шымлымаште, практикыште участвоватлаш ешартыш йӧным почеш.
Республикысе образований да науко министерствын тӱшкаж гыч налме фото.