Марий Элышке Запорожье область гыч 38 тунемше канаш толын. Нуно Звенигово районысо Таир ер воктене верланыше «Журавушка» социально-реабилитационный рӱдерыште У ий канышым эртарат.
Йоча-влакым весела У ий каныш вуча. Нуным оҥай экскурсий дене коштыктат, тӱрлӧ программым ямдылат, конкурс ден модыш-влакым эртарат.
Тыгай каныш йоча-шамычлан каналташ, тазалыкым пеҥгыдемдаш, куатым налаш, у йолташым муаш да кундемна нерген пален налаш полша.