Тидын нерген Марий Элым Вуйлатыше Ю.Зайцев район администраций-влакын вуйлатышышт дене эртарыме совещанийыште каласен.
Тушто кундемнан «Еш», «Самырык тукым да йоча-влак» у нацпроектлаш Марий Элын ушнымыжо нерген каҥашеныт. Россий Президент В.Путин Федеральный Собранийлан посланийыштыже элыштына 2025 ий марте йочасад ден школ-влакым капитально олмыктымо программе пашам тӱҥалеш манын.
Образований да науко министр Л.Ревуцкаян мутшо почеш, кундемыштына йоча ден школ-влакым уэмдаш кызыт РФ просвещений министерствыш пуаш документацийым ямдылат.
Совещанийыште район-влакын кумдыкыштым планироватлыме схемым, генеральный планым да мланде дене пайдаланыме да чоҥымо шотышто правилым шотыш кондымо нерген мутланеныт. Тидын шотышто Марий Эл лу эн сай регион коклашке пура, палемден Марий Элын чоҥымо паша, архитектур да ЖКХ министрже А.Криворотов. Тидлан Марий Эл Правительстве верысе самоуправлений орган-влаклан 44 млн утла теҥгем ойырен.
Марий Элым Вуйлатышын пресс-службыжо.