Марий Элын МВД пелен улшо мер каҥаш «Дядя Стёпа полицейский» усталык курчак конкурсым увертара. Тудо ий еда эртаралтеш.
Конкурсын участникше 6 гыч 14 ияш йоча-влак лийын кертыт. Тидлан куэм, кагаз, пу, пластик да моло материал дене модышым ыштыман. Курчак-влак тӱрлӧ полицейскийым, тудын тӱжвал тӱсшым да службо ойыртемжым ончыктышаш улыт (мутлан, участковый, эксперт-криминалист, ГИБДД пашаеҥ, кинолог, ийготыш шудымо-влакын пашашт шотышто подразделений пашаеҥ-влак, следователь да т.м.)
Модышым да участвоватлаш йодмашым Марий Эл Республик МВД-н пресс-службышкыжо 2021 ий 17 май марте тыгай адрес дене пуыман: Йошкар-Ола, Комсомольский урем, 114. Ешартыш йодыш шотышто: 8(8362) 42-22-48.
Йодмашыште участникын фамилийже, лӱмжӧ, ачалӱмжӧ, ийготшо, тунемме заведенийже да телефон номерже лийшаш улыт.
Жюри эн сай курчакым кокымшо этапышке колта. Регионышто сеҥышым май мучаште ойырен налыт.
Валентина Семёнова.