Мордовий Республикыште «Безопасность школ» регион-влак кокласе таҥасымаш эртен. Тушто Российын 14 регионжо гыч 19 команде таҥасен.
Марий Эл гыч тӱрлӧ ийготан (изи да кугу) кок группо миен. Икмыняр кече жапыште участник-влак «Комбинированный пожар эстафете», «1 км кросс», «Ӱнарым йодшо комплексный упражнений», «Акваторийыште кычалме-утарым паша», «Чарак полоса» да тулеч моло дисциплине почеш ӱчашеныт.
Участник-влаклан пожарым йӧрташ, вӱдыш пуреҥгайышым утараш, кок кечаш маршрутым эрташ да тулеч моло заданийым шукташ логалын.
Марий Элын кок командыже сеҥышыш лектын.