Волжск ола гыч географийым туныктышо Татьяна Жидко «Российын идалыкысе туныктышыжо» конкурсышто Марий Элын чапшым аралаш тÿҥалеш.
Педагог-влак кокласе конкурс шыжым эртаралтеш. Конкурсын финалже Тюмень олаште лиеш, а сеҥыше-влакым Москосо Кремльыште саламлат.
Татьяна Анатольевна Волжск оласе 4-ше номеран школышто 30 ий утла тырша. Тудо йоча-влак дене колым кучаш я походыш коштеш. Тыге туныктышо тунемше-влакым пÿртÿс дене палымым ышта, оҥай факт-влакым каласкала да шкеж дене савыра.
Т.Жидкон тÿҥ шонымашыже – туныктышо эре у педагогический идейым «шочыктышаш».
Фотошто покшелне.
Иван Речкинын фотожо.