Эн ончыч тудо Одывлак–Кужэҥер–Параньга корным кузе ыштымым ончалын. Ты корным «Лӱдыкшыдымӧ сай корно» нацпроект почеш тӱҥ гычак пужен ыштат. 2024 ийыште пашам мучашлышаш улыт.
Тылеч вара Йывансола тӱвыра пӧртыштӧ лийын. Тений тушто «Тӱвыра» нацпроект почеш олмыктымо паша ышталтын. Тыште районысо тӱрлӧ фестиваль, конкурс, ончер-влак эртаралтыт.
Ю.Зайцев тыгак Кужэҥер посёлкысо кыдалаш школым ончалын. Тудымат федеральный программе почеш капитально олмыктымо.
Ты кечынак Ю.Зайцев Кужэҥер посёлкысо кум пачашан у пӧртысӧ пачер-влак деч 12 ешлан (аварийный пӧртлаште илыше) да ача-ава деч посна кушшо 11 йочалан сравочым кучыктен. Пачер-влак илаш тӱрыснек ямде улыт. Пӧрт воктене йоча площадкым да машинам шогалташ верым келыштарыме.
Ты кундемыште лиймым иктешлен, Ю.Зайцев совещанийым эртарен. Тушто Кужэҥер кундемыште газпучым шупшмо, корным ыштыме, тӱвыра пӧрт-влакым шотыш кондымо йодыш-влакым лончылен.
Д.Речкинын фотожо.